मृग बहार संत्र्याची गळ; शेतकरी अडचणीत

देठ सुकी रोगाने 30 ते 40 टक्के संत्रा फळाची गळ, शेतकऱ्याचं मोठं नुकसान

अमरावती(ब्युरो) : अमरावती आणि वर्धा जिल्ह्याच्या सीमेवरील अनेक गावांत संत्रा उत्पादक शेतकरी हैराण झाले आहे. संत्रा फळांना गळती लागल्याने शेतकऱ्यांची चिंता वाढली आहे. ही फळगळ नेमकी थांबवावी कशी असा प्रश्न शेतकऱ्यांना पडला आहे.

वर्ध्या जिल्ह्यातील कारंजा (घाडगे) तालुक्यात मोठ्या प्रमाणात मृग बहाराचा संत्रा उत्पादक शेतकरी आहे. या संत्र्याला मोठ्या प्रमाणात मागणी असते. तोडणीला आलेला संत्रा फळांवर देठ सुकी रोगांचा पादुर्भाव वाढल्याने संत्रा मोठ्या प्रमाणात गळ सुरू झाली आहे. रोगांचा पादुर्भाव वाढत असल्याने शेतकऱ्याचं आर्थिक नुकसान होत आहेय. कृषी विभागाकडून दिलेल्या उपाय योजनेच्या माहितीनुसार कोणताही परिणाम होत नसल्याने यावर कृषी शास्त्रज्ञ यांच्याकडून उपाययोजना सुचवण्याची मागणी शेतकरी करत आहे.

हेटीकुंडी येथील शेतकरी शालीकराम क्षीरसागर यांच्या शेतात मोठ्या प्रमाणात फळगळ झाली, उपाय केले पण फायदा झाला नाही. संत्रा बागेवर देठ सुकी रोग असल्याने संत्रा फळ गळत आहेय. 30 ते 40 टक्के संत्रा जमिनीवर पडल्याने शेतकऱ्याचं मोठं नुकसान होत आहे.यामुळे शेतकरी आर्थिक संकटात सापडला आहे.