नवयुवक व नवयुतीसाठी 8 ते 17 जानेवारी या कालावधीत प्रशिक्षण सत्र आयोजित
वर्धा : भारतीय सैन्यदल, नौदल व वायुदलात अधिकारी पदावर भरती होण्यासाठी पात्र उमेदवारांना सर्विस सिलेक्शन बोर्ड या परिक्षेची पूर्व तयारी करून घेण्यासाठी छात्रपूर्व प्रशिक्षण केंद्र नाशिक येथे महाराष्ट्र शासनातर्फे महाराष्ट्रातील नवयुवक व नवयुतीसाठी 8 ते 17 जानेवारी या कालावधीत प्रशिक्षण सत्र आयोजित करण्यात आले आहे. कोर्स कालावधीत प्रशिक्षणार्थीना निवास,भोजन आणि प्रशिक्षणाची नि:शुल्क सोय करण्यात आली आहे.
जिल्ह्यातील इच्छूक उमेदवारांनी ही संधी उपभोगण्यासाठी जिल्हा सैनिक कल्याण कार्यालयात बुधवार दि.3 जानेवारी रोजी मुलाखतीस हजर रहावे. मुलाखतीस येतेवेळी सैनिक कल्याण विभागाच्या www.mahasainik.maharashtra.gov.in या संकेतस्थळावर SSB-56 कोर्ससाठी प्रवेशपत्र व त्यासोबत असलेलल्या परिशिष्ट पुर्ण भरून त्याची प्रिंट सोबत घेऊन यावे.
एसएबी वर्गामध्ये प्रवेश मिळण्यासाठी पुढे नमुद कोणतीही एक पात्रता आवश्यक आहे. त्यासंबंधीचे पात्रता प्रमाणपत्र कोर्सला येताना घेऊन येणे आवश्यक आहे. पात्रतेमध्ये कंम्बाईंड डिफेंस सर्विसेस एक्झामिनेश अथवा नॅशनल डिफेन्स अकॅडमी एक्झामिनेशन पास झालेली असावी व त्यासाठी सर्विसेस सिलेक्शन बोर्ड मुलाखतीसाठी पात्र झालेले असावे. एनसीसी (सी) सर्टिर्फिकेट अे/बी ग्रेड मध्ये पास झालेले असावे व एनसीसी ग्रुप हेडक्वार्टरने एसएसबीसाठी शिफारस केलेली असावी, टेक्नीकल ग्रॅज्युएट कोर्ससाठी एसएसबी मुलाखतीसाठी कॉल लेटर असावे, युनिव्हर्सिटी एन्ट्री स्किमसाठी एसएसबी कॉल लेटर आलेले असावे अथवा एसएसबी साठी शिफारस केलेल्या यादीत नाव असावे.
अधिक माहितीसाठी प्रभारी अधिकारी, छात्रपुर्व प्रशिक्षण केंद्र, नाशिक रोड, नाशिक येथे दुरध्वनी क्रमांक 0253-2451032 किंवा व्हाट्सॲप क्रमांक 9156073306 वर किंवा जिल्हा सैनिक कल्याण कार्यालय, वर्धा येथे 07152-248955 या क्रमांकावर संपर्क साधावा, असे जिल्हा सैनिक कल्याण अधिकारी धनंजय सदाफळ यांनी कळविले आहे.
