वर्ध्यात वाहन चालकांचे स्टेअरिंग छोडो आंदोलन

वाहन चालविणाऱ्यांना पुष्पहार घालत आंदोलकांची गांधीगिरी 

वर्धा : वर्ध्यात तुळजापूर – नागपूर मार्गावर चालक संघटनानी एकत्र येत हिट अँड रण कायद्याच्या विरोधात आंदोलन केले.  हिट अँड रण कायद्याला विरोध करण्यासाठी वाहन चालक वर्ध्यात एकत्र आले होते. जी वाहने रस्त्यावर धावत होती ती वाहने अडवून चालकांना पुष्पहार घालण्यात आले. हिट अँड रण कायद्याला विरोध करण्यासाठी आंदोलनात सहभागी व्हा! असे आवाहन वाहन चालक संघटनांकडून यावेळी करण्यात आले.

वर्धा शहराच्या बाहेरून जाणारा तुळजापूर – नागपूर महामार्गावर पाच ठिकाणी हे आंदोलन करण्यात आले आहे. सकाळी पवनार नजीक वाहन चालकांनी एकत्र येत रस्त्याने जाणाऱ्या गाड्या थांबविल्या व तेथे निदर्शने केली. त्यानंतर साटोडा चौक,  शांती नगर, जुनापाणी चौक आणि नागठाणा चौक परिसरात आंदोलन करण्यात आले आहे.  रस्त्याने जाणाऱ्या वाहनांच्या चालकांना थांबण्याची विनंती करीत वाहने अडविली. वाहन चालविणाऱ्या चालकाला हार घालून व पुष्पगुच्छ देऊन त्याचा सत्कार करून गांधीगिरी मार्गाने आंदोलन केले गेले.  कायद्याच्या विरोधात उभारण्यात आलेल्या स्टेरिंग छोडो आंदोलनात  सहभागी होण्याचे आवाहन या गांधीगिरी आंदोलनातून वाहन चालविणाऱ्या विविध गाड्यांच्या चालकांना करण्यात आले आहे. यावेळी शेकडोच्या संख्येत वाहनचालक आंदोलनात सहभागी झाले. ठिकठिकाणी चोख पोलीस बंदोबस्त लावण्यात आला होता.