बससेवा उपलब्ध करून देत ‘आपला माणूस’ दरवर्षी येतो मदतीला

घोराड यात्रेसाठी मोफत बस सुविधा ; अभ्युदय मेघे यांचा पुढाकार

वर्धा: तिर्थस्थळी पोहचायचे असेल तर ‘आपला माणूस’ तुमच्या मदतीला धावून येईल ही हमीच आता ग्रामीण भागातील नागरिकांना झाली आहे. यावर्षी देखील बससेवा घेऊन आपला माणूस सेलू तालुक्यात पोहचला आहे. घोराड येथील केजाजी पुण्यतिथी महोत्सवात ग्रामीण भागातून पोहचायचे कसे? हा गावखेड्यातील नागरिकांना पडणारा प्रश्न सावंगी येथील आचार्य विनोबा भावे रुग्णालयाचे डॉ. अभ्युदय मेघे यांच्याकडून सोडविला जातो. दरवर्षी बससेवा उपलब्ध करून घोराड नगरीत पोहचण्याचा मार्ग सुकर केला जात आहे.

सेलू तालुक्यातील घोराड येथे श्री संत केजाजी महाराज पुण्यतिथी महोत्सव सोहळा दरवर्षी मोठ्या उत्साहात साजरा होतो. वर्धा जिल्ह्यातील नव्हे तर संपूर्ण विदर्भातून या ठिकाणी मोठ्या संख्येने भाविक या महोत्सव सहभागी होतात. हजारांचा जनसमुदाय या ठिकाणी केजाजी महाराज यांच्या पुण्यतिथी सोहळ्यात उपस्थित असतो. या सोहळ्यात भक्तांना घोराडा येथील मंदिरात जाणे सोयीचे व्हावे या दृष्टीने आचार्य विनोबा भावे ग्रामीण रुग्णालयाचे विशेष कार्यकारी अधिकारी डॉ.अभ्युदय मेघे यांच्या संकल्पनेतून आजूबाजूच्या ग्रामीण भागातील नागरिकांसाठी मोफत बस सुविधा गेल्या ५ वर्ष्या पासून उपलब्ध करून देण्यात येते . यावर्षी देखील ही सुविधा उपलब्ध करून देण्यात आली.

या महोत्सव प्रसंगी कार्यक्रमात स्वतः डॉ. अभ्यदुय मेघे यांनी भक्तांना लंगरचे वितरण केले आहे. यावेळी सौ मनीषा अभ्युदय मेघे या देखील यावेळी उपस्थित होत्या. या वेळी ज्योती घंगारे, सरपंच घोराड, चिंतामण महाकाळकर उपसरपंच, रामेश्वर घांगरे माजी उपसरपंच, त्रिशूल पाटील माजी उपसरपंच, मनीष तेलरांधे, अमर धोटे सरपंच मोही साहेबराव तेलरांधे, प्रवीण वानोळे, प्रदीप नक्षीने ,उमेश नक्षिने ग्रा.प सदस्य, गोपाल माहुरे, हरिभाऊ महाजन, मधुकर महाजन, अभी वानोडे, विशाल पवार, करीम राहा,दीपक धोंगडे, हरिष परीसे,मनीष तेलरांधे, सुशांत वानखेडे,शुभम लुंगे,यांच्या उपस्थितीत कार्यक्रम पार पडला.