वर्ध्यात वंचित बहुजन आघाडीच्या सभेची जय्यत तयारी

गणेश नगर येथील मैदानावर उभारला जातोय भव्य मंच

वंचित बहुजन आघाडीचे पदाधिकारी लागलेय कामाला

सभास्थळी विविध सुविधा उपलब्ध करून देण्यावर घेतली जातेय काळजी

वर्ध्यात रविवारी वंचित करणार महाएल्गार

वर्धा : वर्ध्यात रविवारी १८ फेब्रुवारी रोजी वंचित बहुजन आघाडीच्या स्वाभिमानी महा एल्गार सभेचे आयोजन करण्यात आले आहे. या सभेसाठी ठरलेल्या गणेश नगर येथील मैदानावर सभेची जय्यत तयारी केली जात आहे. उंच अशा भव्य स्टेजची उभारणी याठिकाणी करण्यात आली आहे.

वर्ध्याच्या बोरगाव मेघे येथील गणेश नगर येथील क्रिकेट मैदान हे स्थळ सभेसाठी निश्चित झाल्यानंतर वंचित बहुजन आघाडीचे जिल्हाध्यक्ष मनोज वरखेडे यांच्या नेतृत्वात सभेच्या जय्यत तयारीसाठी पदाधिकारी आणि कार्यकर्ते लगबगीने लागले आहे. सभेला सुमारे एक लाख लोक जमतील अशी येथील व्यवस्था आसणार आहे. वंचित बहुजन आघाडीचे जिल्हाध्यक्ष मनोज वरखेडे, मुख्य समन्वयक डॉ. सुभाष खंडारे, मंगलाताई कांबळे, राजेंद्र साळुंखे, सिद्धर्थ डोईफोडे,महादेव शेंडे, संजय हाडके, वसंत मुराकर, आशिष गुजर , अमोल कोल्हे, दयानंद भटारकर आदीनी सभेच्या नियोजनात कुठलीही उणीव राहणार नाही यासाठी कुठलीही कसर सोडली नाही.
साभस्थळी मुख्य पदाधिकाऱ्यांसह महिला उपाध्यक्ष प्रियदर्शन भेले आणि संयोजन समिती सदस्या अंजुताई जिंदे यांनी देखील पाहणी केली.

वर्ध्यात का निवडल्या गेली सभेसाठी १८ फेब्रुवारी

१८ फेब्रुवारी १९२७ रोजी डॉ. बाबासाहेब आंबेडकर यांनी मुंबईच्या विधिमंडळात आमदार म्हणून पहिल्यांदा शपथ घेतली. ते देशातील वंचितांचे पाहिले आमदार ठरले. या शपथेनुसार बाबासाहेबांनी स्वातंत्र्य, समता आणि बंधुता या तत्वावर जनतेसाठी काम केले. विधिमंडळात सर्वांसाठी पाणवठे खुले करण्यासाठी पहिल्यांदा ठराव मांडण्यात आला. १८ फेब्रुवारी या तारखेत झालेल्या परिवर्तन शील घटनेमुळेच ही तारीख वर्ध्यात सभेसाठी निवडण्यात आली असल्याची माहिती मुख्य संयोजक डॉ. सुभाष खंडारे यांनी दिली.

कोण राहणार सभेला उपस्थित ?

या सभेला वंचित बहुजन आघाडीचे राष्ट्रीय नेते प्रकाश आंबेडकर संबोधित करणार आहे. वंचित बहुजन आघाडीचे नेते रेखा ठाकूर, निलेश विश्वकर्मा, राजेंद्र वाकोडे, सर्वजित बनसोडे हे या सभेला उपस्थित राहणार आहे. वंचित घटकांना न्याय मिळावा यासाठी वंचित बहुजन आघाडीची ही महा एल्गार सभा असल्याने हजारो लोक येथे पोहचतील अशी अपेक्षा व्यक्त होत आहे.

कसे पोहचणार सभेला ?

गणेश नगर येथील मैदान हे आचार्य विनोबा भावे उड्डाण पुलाच्या थोडे समोर बोरगाव मेघे येथे आहे. येथे प्रशस्त मैदान असल्याने रस्त्यावरूनच ते सहज लक्षात येणारे आहे. येथून दोनशे ते तीनशे मीटर अंतरावर बस स्थानक आहे तर दुसऱ्या बाजूला रेल्वे स्थानक देखील अगदीच जवळ आहे. हिंगणघाट, राळेगाव या मार्गावर असल्याने येथून सभेला पोहचणाऱ्यांना सहजच साभस्थळी पोहचता येणार आहे.