वर्ध्याच्या ओबीसी हक्क सभेत उमटला सूर

ओबीसींच्या घटनात्मक आरक्षणाला धक्का हा संविधानाचा अपमान आहे

ओबीसी हक्क सभेचे मत

न्याय्य हक्कांच्या मागणीसाठी वर्धेत ऐकवटले ओबीसी बांधव

वर्धा : वर्धा लोकसभा क्षेत्राची ओबिसी हक्क सभा स्थानिक महात्मा लॉन, नालवाडी येथे संपन्न झाली. या सभेत चर्चा व मार्गदर्शनात ओबिसी प्रवर्गात देशात 3700 तर महाराष्ट्रात 360 जातींचा सहभाग आहे. मुस्लीम 36 जाती व परिवर्तीत सर्व ख्रिस्श्चन जाती ओबीसीत सहभागी आहेत. राज्य व केंद्र सरकारने मागील अनेक वर्ष ओबिसी समाजाची दिशाभूल करून त्यांच्या न्याय्य हक्कांशी खेळ केला आहे.  मुख्य प्रश्नावरून ध्यान भरकटवण्याचा सतत प्रयत्न केला आहे. सतत दोन समाजात , दोन प्रवर्गात भांडण जुंपवण्याचा प्रयत्न केला जात आहे.  यात मोठ्या प्रमाणात ओबिसी समाजातील नागरीकांची पिछेहाट होते आहे. या सर्व मुद्दयावर लक्ष केंद्रीत करून यापुढे  एका एका जातींच्या संघटना नाही तर सकल ओबिसी प्रवर्गातील नागरीकांची सामुहीक संघटना मजबुत करण्यासाठी या ओबिसी हक्क मेळाव्यात चर्चा व मार्गदर्शन करण्यात आले आहे.

या हक्क सभेत प्रमुख वक्ते बहुजन संघर्ष नागपूरचे नागेश  चौधरी , यवतमाळचे  विलास  काळे , अजयभाऊ भेंडे, प्रा. नूतन माळवी , वैभव काळे औरंगाबाद यांनी आपल्या मार्गदर्शनात ओबिसींची व्याप्ती, जाती-जनगणनेची गरज , ओबिसींचा बॅकलॉग , उच्चवर्णीयांद्वारे होणारे उच्चाटन यावर माहीतीपर मांडणी केली.  आज जातींच्या संघटना नाही तर ओबिसी प्रवर्गाची सामुहीक संघटना मजबुत करण्यासाठी आपण यापुढे झटलो पाहीजे असे आवाहन करण्यात आले. वर्तमान  सरकार हे लोकशाही व संविधान संपुष्टात आणन्यासाठी प्रयत्न करित आहे.

या ओबिसी हक्क सभा कार्यक्रमाचे अध्यक्ष भारत जोडो अभियान चे समन्वयक अविनाश काकडे होते. यावेळी श्रीकांत बारहाते यांनी राहुल गांधी यांची भारत जोडो यात्रेतील न्यायाची भूमिका विषद केली. मनोजभाऊ चांदुरकर यांनी ओबिसी नेत्यांचे उच्चवर्णीय जातीवादी मानसिकतेकडून होणारे उच्चाटन यावर मांडणी केली. सुरेश बोरकर यांनी ओबिसी विद्यार्थ्यांचे होत असलेले उच्चाटण यावर तर   शेती प्रश्नावर किरण ठाकरे यांनी विचार मांडले. यावेळी मंचावर समिर देशमुख, सुदाम पवार,  स्टीवन रॉबर्ट, मजीद कुरैसी, सलिम कुरेशी, बाळा जगताप, प्रमोद भोमले, सुधिर पांगुळ, मनिष साहु, पुरुषोत्तम खासबागे, द्वारका इमडवार, अनिल अंबुलकर, अनिल रुईकर, बाळा माऊस्कर ,नितेश कराळे, प्रा प्रविण काटकर , नागपूर भारत जोडो च्या संयोजिका प्रा प्रज्वला तट्टे यांची प्रमुख उपस्थिती होती.

ओबिसी हक्क सभा कार्यक्रमाचे संचलन अर्चना भोमले व नितीन झाडे यांनी केले.  कार्यक्रमाचे व्यवस्थापन श्रीकांत धोटे यांनी सांभाळले, कार्यक्रमाचे आभार तुषार पेंढारकर यांनी केले.

या ओबिसी हक्क सभेला यशस्वी करण्यासाठी प्रफुल कुकडे, चंद्रकांत ढगे, बंटी खडसे, गोपाल दुधाने, मनोज तायडे, मंगेश ‌शेंडे, दिवाकर शंभरकर, प्रा प्रविण भोयर, विठ्ठल झाडे, सुनिता अलोने, शारदा रोकडे, डॉ विनय मुन, मालती देशमुख, अनुराधा देशमुख, रुपाली उगले ,संजय काकडे, सागर सबाने, संदिप किटे, प्रविण पेठे,प्रविण कात्रे,विनय डाहाके, प्रमोदभाऊ हिवाळे,  राजाभाऊ पांगुळ, प्रतिक मुनेश्वर, प्रफुल गुल्हाने, मु्न्नाभाऊ झाडे, विनेश काकडे ,योगेश घोघरे, ज्ञानेश्वर ढगे, बाळासाहेब मिसाळ, अभिजित ढोबळे, गुड्डु देशमुख, सचिन नवघरे , जगदीश डोळसकर , प्रविण पोकळे ,राधा देशमुख  यांनी श्रम घेतले. जिल्ह्यातील मोठ्या संख्येने ओबिसी कार्यकर्ते यात सहभागी झाले होते.