विदर्भ राज्य आघाडीच्या यशात गावकऱ्यांचा सिहाचा वाटा

26 दिवसाच्या उपोषणातून 25 गावांचा प्रश्न सुटला

विदर्भ राज्य आघाडीकडून करण्यात आले उपोषण

विद्यार्थी आणि गावकऱ्यांनी दिला होता उपोषणाला पाठिंबा

अखेर रेल्वे प्रशासनाला उपोषण आंदोलनाची घ्यावी लागली दखल

रेल्वे थांब्यासाठी पाच वर्षापासून करण्यात आली विविध आंदोलने

खासदार रामदास तडस यांनी ज्यूस पाजून सोडविले उपोषण

आशिष इझनकर                                                                            वर्धा : वर्ध्याच्या सेलू तालुक्यात येणाऱ्या तुळजापूर (दहेगाव) येथे जलद गाड्यांना थांबा मिळावा यासाठी नागरिक विदर्भ राज्य आघाडीच्या नेतृत्वात साखळी उपोषणाला बसले होते. शिक्षणासाठी दहेगाव येथून बाहेरगावी जाणाऱ्या विद्यार्थ्यांसाठी रेल्वे थांबा अत्यावश्यक असल्याने शाळकरी विद्यार्थी देखील मोठ्या संख्येत या आंदोलनात सहभागी झाले. 27 जानेवारी पासून हे उपोषण सुरू करण्यात आले. शाळकरी विद्यार्थ्यांसह गावकऱ्यांनी विदर्भ राज्य आघाडीच्या हाकेला ओ देत पुढाकार घेतला. 26 दिवसाच्या उपोषण आंदोलनानंतर 25 गावांच्या प्रवासाचा प्रश्न मार्गी लागला आहे. अखेर रामकीशन सिंघमधुपे यांच्या नेतृत्वात करण्यात आलेल्या उपोषण आंदोलनाला यश आले आणि तुळजापूर (दहेगाव) येथे इंटरसिटी या गाडीला थांबा मिळाला आहे. मागण्या मान्य झाल्याने खासदार रामदास तडस यांनी भेट देऊन रामकीशन सिंघमधुपे यांना ज्यूस पाजत उपोषण सोडविले आहे. विद्यार्थी आणि गावकऱ्यांनी विदर्भ राज्य आंदोलनाच्या पुढाकारासाठी रामकीशन सिंघमधुपे यांचे आभार मानले आहे.

नागपूर – वर्धा रेल्वे लाईनवर सिंदी रेल्वे जवळ तुळजापूर(दहेगाव) हे मोठे गाव आहे. सुमारे 25 छोटीमोठी गावे येथील रेल्वे स्थानकाशी जुळून आहे. दळनवळणाचे प्रमुख साधन येथे रेल्वे हेच आहे. कोरोना काळ आला आणि रेल्वे मंत्रालयाने आणि अधिकाऱ्यांनी येथील रेल्वे थांबा बंद केला होता. केंद्र शासनाच्या अखत्यारीत येत असल्याने येथील नागरिकांनी खासदार रामदास तडस यांना अनेकदा निवेदने दिली. पण फायदा झाला नाही. याशिवाय रेल्वे प्रशासनाला देखील निवेदने देत विनंत्या करण्यात आल्या. काही दिवसांपूर्वी येथे रेल्वे रोको आंदोलन करून नागरिकांनी मागणीकडे लक्ष वेधले होते. परंतु केवळ आश्वासन देण्यात येत होती, त्यामुळे प्रशासन याकडे लक्ष देत नसल्याने 27 जानेवारी पासून विदर्भ राज्य आघाडीच्या नेतृत्वाखाली तुळजापूर रेल्वे स्थानकाच्या बाहेर हे साखळी उपोषण सुरू केले गेले.

इंटरसिटी एक्स्प्रेस, जबलपूर एक्स्प्रेस, विदर्भ एक्स्प्रेस आणि मेल या गाड्या तुळजापूर (दहेगाव) येथे थांबाव्या अशी मागणी करण्यात आली होती. तुळजापूर या गावाच्या सभोवताल 25 गावे आहेत. या सर्व गावातील नागरिक, कामगार, नोकरदार आणि शाळकरी विद्यार्थ्यांना रेल्वे हा एकमेव पर्याय उपलब्ध असल्याने राजकारण्यांच्या विरोधाला झुगारून गावकऱ्यांनी या आंदोलनाला भरभरून पाठिंबा दिला. विदर्भ राज्य आघाडीचे जिल्हाध्यक्ष रामकिशोर सिंघमधुपे याना वेळोवेळी साथ देत अरुण गावंडे, रेखा खेलकर, सतीश इंगळे, अमोल ढाकणे, प्रकाश आतीलकर आदी सहभागी झाले. गावातील शाळकरी विद्यार्थी मोठ्या संख्येने या आंदोलनात सहभागी झाले होते. विविध सामाजिक संघटनांनी देखील या आंदोलनाला पाठिंबा दिला होता.

असा झाला पाठपुरावा-

2019 पासून सतत विदर्भ राज्य आघाडीचे जिल्हाध्यक्ष रामकिशोर रामाजी शिगनधुपे यांनी 25 गावातील विद्यार्थ्यांसाठी मेल व इतर गाड्यांच्या थांबा व इतर मागण्यांसाठी सतत पाच वर्षापासून प्रयत्न करीत राहीले. वेगवेगळे आंदोलन करून रेल्वे प्रशासनाकडे परिसरातील समस्या व अडचणी मांडण्यात आल्या.
27 जानेवारी 2024 पासून बेमुदत साखळी उपोषणाला तुळजापूर रेल्वे स्टेशन समोर सुरवात झाली. जवळपास 26 दिवस बेमुदत साखळी उपोषण चालले. अखेर गोड दिवस उगवला 21 फेब्रुवारी 2024 बुधवार रोजी सर्व मागण्या मान्य झाल्या. यापूर्वी विविध आंदोलनाला 18 फेब्रुवारी 2019 ला सुरुवात केली 18 फेब्रुवारी 2024 ला पाच वर्षे पूर्ण होवुन दिनांक 21 फेब्रुवारी 2024 ला पाच वर्षे 3 दिवस झाले.

विदर्भ राज्य आघाडीच्या प्रयत्नाने रोवण्यात आले आणखी काही यशाचे दगड –

मध्यंतरीच्या काळात म्हणजे 2023 ला ऑक्टोबर महिन्यात तुळजापूर रेल्वे परिसरातील 25 गावातील ग्रामस्थासाठी रेल्वे लाईन क्रांसीगवर फुट ओव्हर ब्रीज मंजूर झाला. तसेच रेल्वे पैसेजर साठी उंच प्लाट फार्म मंजूरी मिळाली.

” गावातील विद्यार्थी, कामगार ,रेल्वे कामगार, नोकरदार रेल्वे प्रवास करू शकत नव्हते, एकंदरीत परिस्थिती 25 गावातील लोकांची प्रतिकुल झाली होती. त्यामुळे साखळी उपोषणाचा मार्ग अवलंबिण्यात आला. हे सर्व शक्य झाले आपल्या सर्वांच्या सहकार्यातून”…अशी प्रतिक्रिया रामकीशन सिंघमधुपे यांनी दिली आहे.

येथे इंटर सिटी गाडीला थांबा मंजूर झाला असून जबलपूर एक्सप्रेस, मेमो गाडी साप्ताहिक करण्यासाठी दिल्ली येथे 29 फेब्रुवारी 2024 ला पाच लोकांच्या शिष्ठ मंडळाला सोबत फ्लाईट विमानाने दिल्लीला नेले जाणार आहे. आणि 5 मार्च 2024 पर्यंत तुळजापूर रेल्वे स्टेशनला जबलपूर एक्सप्रेस गाडीचा थांबा निश्चित होईल असे रेल्वे विभागाने लिखित दिले आहे. ऐवढेचं नाही 10 वी 12 परिक्षा सुरू झाल्यामुळे विद्यार्थ्यांसाठी सकाळी पहाटे 6 वाजताची ची बस सुरू करून दिली जाणार आहे.

सर्व गावचे सरपंच, ॲड.अरूण येवले,अरुण गावंडे, गजानन तिडके, आशिष इंझनकर, रमेश साळवे, नथुजी पाटील संदीप वाणी सुनील जयस्वाल,मंगेश काकडे, आशिष घुडे,अजय राजुरकर,वैभव ताकसांडे, तातोबा चहांदे समीर आंबाडोळे, किसान मुडे,राजु चावरे, नितेश लाऊडघरे,नाना कावळे, श्रीराम पाटील कवडुजीखेकडे,नारायन वानखेडे ,
अनिल रूईकार, रमेश देशमुख, भालेराव अडे,दिलीप बेहरे, हरिभाऊ रोकडे घनश्याम अतकरे, गोलु पाटील,धम्मज्योती शंभरकर, प्रशांत नारायणे, अमित तेलंग, विठ्ठल उंरकांदे, राहुल बैस, रोशन आगलावे, अरूण आलोटकर, दादाराव घुडे, भिमराव नगराळे,धनराज घुडे, होमदेव बाभुळकर, चरण कौरती, मंगेश तिजारे, तुकाराम पोहटे, बंडु कांबळे धीरज निस्तानै, दिलीप बेहरे, प्रफुल धाबरडे, प्रमोद घुडे, अशोक टेंभऱे, प्रमोद घुडे , विजय भोमले, प्रभाकर दुरतकर अरूण ऐसनकर, मोरेश्वर ढोले, सुरेश कनेर, पफुल कुंभरे, मनोज बैस,सागर महाबुधे, निलेश बाईलबोडै, आनंद लोहकरे, विवेक लोटे, तुषार घोडेस्वार, नरेश क्षिरसागर आदीनी यात सहकार्य केले आहे.