रात्रीत अवैध रेती वाहतूक; 22 जणांना घेतले ताब्यात

वर्ध्याच्या पुलगाव येथे अवैध रेती वाहतुकीवर मोठी कारवाई

दहा ट्रक जप्त करीत  22 जणांना करण्यात आली अटक

गेल्या सात दिवसात तीन मोठ्या कारवाया

वर्धा : वर्ध्याच्या पुलगाव येथे अवैध रेती वाहतुकीवर मोठी कारवाई करीत तब्बल 22 जणांना पुलगाव पोलिसांनी अटक केली आहे. सालफळ येथील रेती डेपोवर रात्री दरम्यान अवैध रेती भरलेले दहा ट्रक रेती वाहून नेत असताना जप्त करण्यात आले आहे. तर सोबत चार कार आणि एक जेसीबी देखील या मोठ्या कारवाईत पोलिसांना सापडला आहे. रात्रीमध्ये रेती वाहून नेण्यास बंदी असताना अवैधरित्या रेतीची वाहतूक होत असल्याने कारवाई करण्यात आली.  आय पी एस अधिकारी राहुल चव्हाण यांच्याकडे डी वाय एस पी चा पदभार आहे, चव्हाण यांनी रात्री दोन वाजताच्या दरम्यान पुलगाव पोलीस, वर्धा एस पी पथकाने धाड टाकत अवैध रेती वाहून नेणारे ट्रक जप्त केले, ट्रकच्या मालकांसह चालक असे 22 जणांना अटक करण्यात आली. गेल्या सात दिवसातील ही तिसरी मोठी कारवाई आहेय. सेवाग्राम आणि देवळी येथे देखील रेती भरून असलेल्या गाड्या जप्त करण्यात आल्या होत्या.

अटक केलेल्या आरोपीमध्ये चेतन प्रमोद वानखेडे,जगदीश नाना नेवारे,विशाल प्यारेलाल पाचे,गणेश रमेश एतबान,प्रवीण जुगलकिशोर पनिया,श्रावण विश्वनाथ सपाटे, गजानन महादेव निंबेकर,अनिल विलास पाटील,लक्ष्मण तुळशीराम चौधरी, रवी भानुदास चिखलकर, प्रवीण सूर्यभान ढानके, आसिफ मकसूद अहमद सिद्दीकी, हकीम बोहरा, मोरेश्वर वासुदेव डेहनकर , पंडित भगवान ढानके, दिनेश नामदेव मेश्राम, हरिहर गुरुनाथ बेंद, पंकज रामभाऊ सहारे, लहानु बापूराव धुर्वे, शेख गफ्फार शेख रमजान,  रोशन वसंत ठाकरे अशी नावे आहेत. हे सर्व पुलगाव आणि आर्वी परिसरातील राहणारे आहेत.

रात्रीदरम्यान जेसीबीच्या साहाय्याने रेतीचे उत्खनन करून त्याची वाहतूक करण्यात येत होती. पोलिसांना मिळालेल्या माहितीवरून रात्री पोलिसांनी धाड टाकली, यावेळी रंगेहात वाळू चोरी सुरू असल्याचा प्रकार समोर आला. पुलगाव पोलिसांनी 10 टिप्पर जप्त करीत पेट्रोलिंग करणारे चार चारचाकी वाहने देखील जप्त करण्यात आली. रात्री वाहतूक होत असताना महसूल विभागाच्या तलाठी, मंडळ अधिकारी आणि तत्सम अधिकारी यांचा या परिसरात वॉच नसल्याची बाब देखील या कारवाईच्या निमित्ताने समोर आली आहे.