विदर्भात नागपूरच्या बाहेर सावंगीत पहिले लिव्हर ट्रान्सप्लांट यशस्वी
वर्ध्याच्या सावंगी रुग्णालयात यशस्वी ठरले प्रत्यारोपण
नागपूरच्या बाहेरील विदर्भातील पहिली लिव्हर प्रत्यारोपण शस्त्रक्रिया
नागपूर येथील मृत युवकाचे लिव्हर आणण्यात आले वर्ध्यात
लिव्हर प्रत्यारोपनासाठी उभारला ग्रीन कोरिडॉर
वर्धा : एकाच वेळी लिव्हर आणि किडणी प्रत्यारोपण करून वर्ध्याच्या सावंगी रुग्णालयाने वैद्यकीय क्षेत्रात नवा विक्रम केला आहेय. पहिले लिव्हर ट्रान्सप्लांट वर्ध्याच्या सावंगी येथील आचार्य विनोबा भावे रुगणालयालात यशस्वी ठरले आहे. याच रुग्णालयात आजवर 107 वेळा गरजू रुग्णांना किडणी प्रत्यारोपण शस्त्रक्रिया करण्याचे लक्ष पूर्ण करण्यात आले आहे. विदर्भातले पाहिले लीव्हर प्रत्यारोपण करून सावंगी येथील रुग्णालयाने विक्रम केला आहे. नागपूर येथे उंचावरून खाली पडलेल्या एका 24 वर्षीय रुग्णाचा एम्स रुग्णालयात मरणावस्थेत उपचार सुरू होता. त्याला ब्रेन डेड घोषित करण्यात आले. सदर रुग्णाच्या नातेवाईकांनी अवयव दानाचा निर्णय घेतला. नातेवाईकांच्या संमतीने हे लिव्हर प्रत्यारोपण एका 58 वर्षीय पुरुष रुग्णासाठी करण्यात आले आहेय. तर किडनी ही 36 वर्षीय स्त्री रुग्णाला दान करण्यात आली आहे. येथीलच किडनी प्रत्यारोपण हे 107 वे किडनी प्रत्यारोपण ठरले आहे. त्यामुळे सावंगी रुग्णालयाच्या या प्रत्यारोपण शस्त्रक्रियेचा वर्ध्यात विक्रम झाला आहे.
आजवर सावंगी येथे आई, वडील, बहीण, भाऊ किंवा अपत्य अशा रक्ताच्या नातेवाईकांनी दिलेल्या किडनीदानातून एकूण ९० प्रत्यारोपण करण्यात आले आहे. तर, गेल्या सात वर्षांपासून ब्रेन डेड झालेल्या मरणावस्थेतील रुग्णाद्वारे प्राप्त झालेल्या अवयवदानातून आजपर्यंत १७ किडनी प्रत्यारोपण शस्त्रक्रिया करण्यात आल्या आहेत.
सावंगी मेघे येथील आचार्य विनोबा भावे ग्रामीण रूग्णालयात प्रथमच एका गरजू रुग्णावर लिव्हर म्हणजे यकृत प्रत्यारोपण करण्यात आले. यापूर्वी ब्रेन डेड झालेल्या मरणावस्थेतील रुग्णांद्वारे प्राप्त झालेल्या अवयवदानातून १६ किडनी प्रत्यारोपण शस्त्रक्रिया सावंगी रुग्णालयात झाल्या आहेत. मात्र, कॅडेव्हरिक लिव्हर ट्रान्सप्लांटची या रुग्णालयातील ही पहिलीच शस्त्रक्रिया असून विदर्भात नागपूरबाहेर झालेली ही पहिली शस्त्रक्रिया होय.
एकाच शरीरातील लिव्हर पुरुषाला तर किडनी महिलेला –
नागपूर येथील व्यवसायाने इलेक्ट्रिशियन असलेला राकेश सातपुते (२४ वर्षे) हा तरूण उंचावरून पडल्याने गंभीर जखमी झाला. या अपघातग्रस्त तरुणाला लगेच नजीकच्या दवाखान्यात नेण्यात आले. मात्र त्याची अवस्था बघता नातेवाईकांनी नागपूरच्या एम्स अर्थात अखिल भारतीय आयुर्विज्ञान संस्थेत वैद्यकीय उपचारांसाठी भरती केले. या रुग्णालयात त्याच्यावर तातडीने शस्त्रक्रिया करण्यात आली. मात्र, रुग्णाचा मेंदू पूर्णपणे मृत झाल्याने वैद्यकीय उपचारांना कोणताही प्रतिसाद मिळणार नसल्याचे स्पष्ट झाले. दि. ११ मार्च रोजी एम्स येथील डाॅक्टरांनी नातेवाईकांना तशी कल्पना दिली. त्यासोबतच राकेशच्या अवयवदानामुळे अन्य गरजू रुग्णांना नवजीवन मिळू शकते, याचीही जाणीव कुटुंबातील सदस्यांना करून देण्यात आली. अखेर नातलगांनी पुढाकार घेत अवयवदानास संमती दिली. एम्सच्या पुढाकाराने आणि क्षेत्रीय अवयव प्रत्यारोपण समन्वय समितीच्या परवानगीने अवयवदानातून प्राप्त लिव्हर व एक किडनी सावंगी येथील आचार्य विनोबा भावे ग्रामीण रुग्णालयात भरती असलेल्या दोन गरजू रुग्णांकरिता ग्रीन काॅरिडाॅरच्या सहाय्याने पाठविण्यात आली. सावंगी मेघे रुग्णालयात शनिवारी सायंकाळी ७ ते रात्री २ या दरम्यान झेडटीसीसीचे अध्यक्ष तथा ज्येष्ठ शल्यचिकित्सक डॉ. संजय कोलते यांच्या मार्गदर्शनाखाली ५८ वर्षीय पुरूष रुग्णावर लिव्हर प्रत्यारोपण तर ३७ वर्षीय स्री रुग्णावर किडनी प्रत्यारोपण शस्त्रक्रिया यशस्वीरित्या करण्यात आली.
