दोन दिवसात अमर काळे घेणार राष्ट्रवादीच्या तुतारीचा निर्णय

शरद पवार गटाकडून काँग्रेसचे माजी आमदार अमर काळे यांना ऑफर?

शरद पवार यांची आर्विचे माजी आमदार अमर काळे यांनी घेतली भेट

सिल्व्हर ओक बंगल्यावर झाली चर्चा

शरद पवार यांच्यासोबत झालेल्या भेटीत अमर काळे यांनी निर्णय कळविण्यास मागितला वेळ

कार्यकर्त्यांशी चर्चा करून निर्णय कळविणार – अमर काळे

वर्धा मतदारसंघ काँग्रेसकडेच रहावा यासाठी काँग्रेस नेत्यांचाही आग्रह

वर्धा : महाविकास आघाडीत वर्धा लोकसभा मतदारसंघ काँग्रेसकडेच राहण्यासाठी काँग्रेस नेते आग्रही आहे. तर दुसरीकडे राष्ट्रवादी कॉंग्रेस शरद पवार गटाकडून तुतारी चिन्हावर लढण्याची ऑफर अमर काळे यांना आली आहे. आज मंगळवारी सकाळी सिल्व्हर ओकवर अमर काळे यांची शरद पवार यांच्यासोबत भेट झाली तर काल सोमवारी  सायंकाळी राष्ट्रवादी  (शरद पवार गट)चे जेष्ठ नेते जयंत पाटील यांनी माजी आमदार अमर काळे यांना बोलवून घेतले होते. त्यांची दोन्ही नेत्यांशी चर्चा झाली आहे.  सहकुटुंब झालेल्या भेटीत प्रदीर्घ चर्चा झाली आहे. आर्वीचे काँग्रेसचे माजी आमदार अमर काळे यांना राष्ट्रवादी काँग्रेस शरदचंद्र पवार पक्षाकडून लढण्याची ऑफर दिल्या गेली आहे. परंतु हा मतदार संघ काँग्रेसला सुटावा अशी अपेक्षा असणाऱ्या अमर काळे यांनी शरद पवार यांना दोन दिवसांचा वेळ मागवून घेतला आहे. कार्यकर्त्यांशी बोलून निर्णय घेणार असल्याचे कळविण्यात आले आहे. तर राष्ट्रवादी चे सर्वेसर्वा शरद पवार यांनी देखील दोन दिवसात तुमचा निर्णय कळवा! असे सांगितले आहे.