चोरट्या मार्गाने रेती तस्करी करणाऱ्या 21 आरोपीविरुद्ध गुन्हा दाखल

सोनेगाव रेती घाटातून अवैध रेती वाहतूक करणाऱ्यांवर कारवाई

बोटीच्या साहाय्याने सुरू होते उत्खनन

वर्धा :  देवळी तालुक्यात येणाऱ्या चना टाकळी येथे सोनेगाव बाई घाटामधून रात्री अवैध रेती उत्खनन करून वाहतूक करणाऱ्यांवर महसूल आणि पोलीस प्रशासनाने मोठी कारवाई केली आहे. या कारवाईत चार टिप्पर, एक ट्रक, दोन ट्रॅक्टर, जेसीबी, पोकलँड आणि इलेक्ट्रिक बोट जप्त करण्यात आली आहे. दोन कोटींपेक्षा जास्त किंमतीचा मुद्देमाल जप्त केला असून तब्बल 21 जाणावर गुन्हा दाखल करण्यात आला आहे. जिल्हाधिकारी राहुल कर्डीले आणि पोलीस अधीक्षक नुरुल हसन यांनी शुक्रवारी मध्यरात्रीत संयुक्त धाड टाकत ही कारवाई केली आहे.

सोनेगाव बाई येथे घाटावरून रेती उत्खनन केल्यावर ती रेती डेपो मध्ये जमा न करता रात्रीत परस्पर चोरट्या मार्गाने बाहेर पाठविली जात होती. ही चोरट्या मार्गाने जाणारी रेती मोठ्या प्रमाणात दुसरीकडे साठविली जात होती. महसूल प्रशासनाला याची कुणकुण लागली. महसूल प्रशासन आणि पोलीस प्रशासन यांनी संयुक्त कारवाई करीत धाडसत्र राबविले. यात मोठ्या प्रमाणात रेती करून नेत असल्याची बाब समोर आली आहे. गुरुकृपा फ्लाय एश कंपनीचे प्रकाश सुरकार यांच्या नावाने हा सोनेगाव बाई येथील डेपो आहे. या कारवाईत

रेती भरून असलेले चार टिप्पर, एक ट्रक, दोन ट्रॅक्टर, एक जेसीबी, एक पोकलँड आणि इलेक्ट्रिक बोट जप्त करण्यात आली आहे. दोन कोटींपेक्षा जास्त किंमतीचा मुद्देमाल जप्त केला असून तब्बल 21 जाणावर गुन्हा दाखल करण्यात आला आहे. इलेक्ट्रिक बोटीच्या साहाय्याने रात्री रेती उत्खनन सुरू होते. रेती उत्खनन आणि वाहतूक दरम्यान काम करणाऱ्या 21 जाणावर गुन्हा दाखल करण्यात आला आहे. 49 हजार रुपयांची रेती विक्रीची रोकड देखील जप्त करण्यात आली आहे. जिल्हाधिकारी राहुल कर्डीले आणि पोलीस अधीक्षक नुरुल हसन यांनी रात्रीत संयुक्त धाड टाकत ही कारवाई केली आहे.