सावंगीच्या रस्त्यावरील खड्डयात वर्ध्याच्या आमदारांचे लावले पोस्टर 

आमदार पंकज भोयर  नावाचं पोस्टर  लावून केला निषेध

वर्धा ते सावंगी रस्त्यावर केले शिवसेनेच्या उबाठा गटाने आंदोलन

वर्धा :  सावंगी कडे जाणाऱ्या रस्त्यावर ठिकठिकाणी खड्डे आहे. या खड्डयात पावसाचे पाणी साचले जात आहे. दहा वर्षांपासून कार्यरत असणाऱ्या आमदार पंकज भोयर यांनी या रस्त्याकडे दुर्लक्ष केल्याने  ही अवस्था झाली असल्याचा आरोप शिवसेनेने केला आहे. शिवसेना उबाठा गटाने आमदार पंकज भोयर यांचे फोटोचे आणि भाजप पक्षाच्या चिन्हाचे बॅनर लावून निषेध व्यक्त केला आहे. सावंगी हा मार्ग हॉस्पिटलकडे जाणारा असल्याने रुग्णांना या रस्त्यातून नाहक त्रास सहन करावा लागत आहे. आमदारांचे असे पोस्टर लावून आंदोलन केल्याने या अनोख्या आंदोलनाकडे सर्वांचे लक्ष वेधले गेले आहे.

शिवसेना उबाटा गटाच्या युवा सेनेच्या कार्यकर्त्यांनी शहरात लावून असलेला आमदारांचा कार्यसम्राट असा बोर्ड चक्क खड्ड्यातील पाण्यात रोवला. याशिवाय भाजपचे झेंडे देखील पाण्यात रोवण्यात आले आहे. विविध घोषणा देत या रस्त्याकडे लक्ष वेधण्यात आले आहे. गेल्या दहा वर्षात सावंगी तसेच वर्धा शहरातील मतदारांच्या भरवश्यावर आमदार बनलेल्या भोयर यांना स्वतःचा गाजवाजा करण्यातच स्वारस्य असल्याची टीका यावेळी करण्यात आली आहे.

युवा शिवसेना उबाठा गटाचे शार्दूल वंदिले यांच्या नेतृत्वाखाली  हे आंदोलन करण्यात आले.