मध्य भारतातील मुद्रण प्रदर्शनाला मुद्रकांचा प्रतिसाद

महाराष्ट्र, मध्यप्रदेश, छत्तीसगड, तेलंगणाच्या मुद्रकांची उपस्थिती

वर्धा जिल्हा मुद्रक असोसिएशनचे आयोजन

वर्धा : वर्धा जिल्हा मुद्रक असोसिएशनद्वारे वर्धा प्रिंट एक्सपो 2024 चे आयोजन सेवाग्राम स्थित चरखा घरात करण्यात आले. यावेळी प्रमुख अतिथी म्हणून असोसिएशनचे अध्यक्ष जयवीर सिंह, महाराष्ट्र मुद्रण परिषदचे अध्यक्ष बालासाहेब आम्बेकर, रीसो इंडिया प्रायव्हेट लिमिटेडचे उपाध्यक्ष रणजीत कदीरू, ऑल इंडिया फेडरेशन ऑफ मास्टर प्रिंटर्सचे उपाध्यक्ष संजय घटवई, ऑल इंडिया फेडरेशन ऑफ मास्टर प्रिंटर्सचे अध्यक्ष तुषारजी धोटे, स्क्रीन प्रिंटर्स असोसिएशन ऑफ इंडियाचे सचिव जिग्नेश लापासिया हे  उपस्थित होते.

वर्धा जिल्हा मुद्रक संघटनेद्वारे  यावर्षीचे हे दुसरे आयोजन होते, यात सुमारे ६० स्टॉल्स ठेवण्यात आले. यात सॉफ्टवेअर, कलर प्रिंटर, लेझर प्रिंटर, लेमिनेशन मशीन, थर्मल लेमिनेशन, यूव्ही प्रिंटर, स्कॅनर्स, डिजिटल प्रिंटर्स, लेझर कटर, क्रीझिंग मशीन, स्टिकर कटर मशीन, झेरॉक्स मशीन, सर्व प्रकारच्या प्रिंटिंग इंक, शादिच्या पत्रिका, फोटो पेपर, पेपर बॅग्स, कॉटन बॅग्स, आय कार्ड प्रिंटर, स्क्रीन प्रिंटिंग मटेरियल आदी प्रिंटिंग साहित्याचा समावेश होता.  नेहमी महानगरांमध्ये होणारे आयोजन वर्धा जिल्हा मुद्रक असोसिएशनने वर्ध्यात केल्याने   विदर्भातील प्रत्येक  शहरातल्या प्रिंटिंग क्षेत्रातील लोकांना या आयोजनाचा फायदा मिळाला. महाराष्ट्राबरोबरच मध्यप्रदेश आणि छत्तीसगड येथूनही अनेक  व्यवसायी या आयोजनात सहभागी झाले.

इपामाचे अध्यक्ष जयवीर सिंह यांनी इपामा इंडस्ट्रीजबद्दल देशातील सर्वात मोठ्या उद्योग व जगातील तिसऱ्या मोठ्या कंपनीची माहिती दिली, प्रिंटिंगच्या महत्त्वावर आणि प्रिंटिंग क्षेत्राशी संबंधित सर्व पैलूंवर प्रकाश टाकला. महाराष्ट्र मुद्रण परिषदचे अध्यक्ष बाळासाहेब आम्बेकर यांनी हे आयोजन सर्व ठिकाणी व्हावे जेणेकरून प्रत्येक छोट्या व्यावसायिकाला विस्तृत माहिती मिळेल.असे सांगितले.

 रणजीत कदीरो यांनी आजच्या झपाट्याने विकसित होणाऱ्या तंत्रज्ञानामुळे प्रिंटिंग क्षेत्रात होणाऱ्या बदलांचा आणि विकासाचा सांगोपांग विचार मांडला, संजय घटवाई, तुषार धोते, जिग्नेश लापसिया आणि श्याम पत्की यांनी अशा प्रकारच्या आयोजनामुळे प्रत्येक छोट्या प्रिंटरला किती मदत होईल आणि प्रिंटिंग क्षेत्रात कसा विकास होईल, यावर प्रकाश टाकला.

वर्धा जिल्हा मुद्रक असोसिएशनचे पदाधिकारी अध्यक्ष श्याम पत्की, उपाध्यक्ष मनोज शिंदे, नीरज त्रिपाठी, सचिव अमोघ वकरे, कोषाध्यक्ष लक्ष्मीकांत पांडे, सहकोशाध्यक्ष मोहन शाह, प्रसिद्धी प्रमुख राहुल तेलरांधे, समन्वयक श्याम लंगडे, सहसचिव विवेक अतकर, रवि वाघाडे, सचिन वागडे, सल्लागार विनोद देशमुख, सुशील साहूरकर आणि सदस्य किशोर फाये, दिनेश निमसटकर, तुषार देशमुख, अंकुश कत्रोजवार, दिलीप माधुसकर, चंद्रकांत महात्मे, अशोक कापसे, विनोद खोब्रागडे, राजू महात्मे, निम्बलवार, राहुल माद्यस्वार, निखिल वकारे, निखिल सहूरकर आदींनी आयोजनाच्या यशस्वीतेसाठी परिश्रम घेतले.