जेष्ठ नागरिकांचा सत्कार करताना मी धन्य झालो – माजी मंत्री वसंत पुरके

शिवनेरी मित्रपरिवराचे वतीने हिंगणी येथे जेष्ठ नागरिकांचा सत्कार

वर्धा : गावात जेष्ठ नागरिकांचा सत्कार नियमित होणे गरजेचे असून यामुळे जेष्ठाचा उत्साह वाढेल, विद्यार्थ्यांमध्ये शिक्षणाविषयी प्रेम निर्माण होऊन शिक्षण क्षेत्रात वाढ होईल. मी खेड्यातून शिक्षण घेतलेला विद्यार्थी असून माझे हस्ते जेष्ठाचा सत्कार होताना मी स्वतःला भाग्यवान समजतो, असे प्रतिपादान राज्याचे माजी शिक्षण मंत्री वसंत पुरके यांनी केले. सेलू तालुक्याच्या हिंगणी येथे छत्रपती शिवाजी महाराज यांच्या जयंतीनिमित्त येथील बाजार चौकात जेष्ठ नागरिक व उच्चशिक्षित युवकाच्या आई वडिलांचा सत्कार समारंभ आयोजित करण्यात आला होता. या प्रसंगी ते बोलत होते. या कार्यक्रमाचे आयोजन हिंगणी येथील शिवनेरी मित्र परिवाराच्या वतीने घेण्यात आला होता.

 कार्यक्रमाचे उद्घाटक म्हणून महाराष्ट्र राज्याचे माजी शिक्षण मंत्री वसंत पुरके  हे उपस्थित होते. या कार्यक्रमाचे अध्यक्ष म्हणून वर्धा विधान सभेचे कांग्रेस चे नेते शेखर  शेंडे, तर प्रमुख पाहुणे म्हणून शैलेश अग्रवाल, राणाजी रणनवरे, हिंगणीच्या सरपंच दामिनी  डेकाटे, सेलू तालुका काँग्रेसचे अध्यक्ष रज्जन मिश्रा,  रामदास वैद्य, नितीन निघडे, ग्रा.प.सदस्य रुपेश ठाकरे,पोलीस पाटील मारोती चचाने  आदी उपस्थित होते.

 आपल्या आयुष्यातील 75 वर्ष पूर्ण करीत असलेले नागरिकांनी आपल्या गावाच्या विकासासाठी अतिशय कठीण परिस्थितीमध्ये  गावाचा विकास केला. अशांचा सुद्धा कुठेतरी योग्य सन्मान मिळावा या उद्देशाने करण्यात आलेल्या ज्येष्ठ नागरिकांचा सत्कार करताना मी स्वतःला भाग्यवान समजतो.  अशा पितृतुल्य नागरिकांच्या सत्कारासाठी मी उपस्थित आहे, यांनी अतिशय कठीण काळामध्ये गावाला योग्य दिशा देण्याचे काम केले, असे प्रतिपादान शैलेश अग्रवाल यांनी आपल्या भाषणातून व्यक्त केले. तर माजी जिल्हा परिषद सदस्य राणाजी रणनवरे यांनी गावाचा विकास करत असताना आज सुद्धा हिंगणी या गावाचा निधी हा येथील आमदार थांबवित आहे. असे आपला जाहीर भाषणातून संबोधित केले. व दुसऱ्यांनी आणलेल्या निधी आपणच आणला असे लोकांना सांगत असून  त्याची  जाहिरात करत असतो, असे संबोधित केले. तर शेखर शेंडे यांनी मला फक्त एकदा निवडून द्या मग विकास कसा करायचा, कसा होतो हे आपल्या भाषणातुन व्यक्त केले.  या कार्यक्रमातून सतत दहा वर्ष हिंगणीचे सरपंच व पद भूषविलेले  बाबाराव निघडे, मोही किन्हीं ग्रामपंचायतचे  सरपंच पद भूषविलेले बापूराव रोशनखेडे, नूरमोहम्मद झिरिया, हिंगणी चे माजी उपसरपंच माधवराव कांबळे, रामदास वैध्य, सतोष शिंदे, सालई येथील जेष्ठ महिला उर्मिलाताई बाळासाहेब रणनवरे, हिंगणी येथील  इंदूताई पद्माकरराव मुडे, लिलाबाई बलदेवरव बावणे,  रमाबाई नागोराव बावणे, तर उच्च शिक्षित मुलाचे आई वडील म्हणून हिंगणी येथील मोहन सिंग यादव, रशीद  शेख, नंदकिशोर पोकळे, मनोहर पोकळे, उदय  वडाळकर, अंकुश  समर्थ, अनंत भाकरे, जीवन  शंभरकर, प्रकाश ढगे,  हरिश्चंद्र  कामडी  इत्यादी नागरिकांचा सत्कार करण्यात आला. सूत्रसंचालन आभार प्रदर्शन संतोष डाखोळे यांनी केले, तर कार्यक्रम यशस्वी करण्याकरिता नितीन निघडे, जतीन रणनवरे,प्रशांत मुडे,राजेश वैद्य,रवी ठाकरे,मंगेश काळे,रजत रणनवरे,पंढरी जुगनाके, विजय डेकाटे,अमोल मुडे,सागर धवने,धम्मपाल पाटील,बोनी देवढे, प्रज्वल समर्थ  इत्यादी ने सहकार्य केले.