दिल्ली येथील शेतकरी आंदोलनाला वर्धेतील संयुक्त किसान मोर्चाचे समर्थन

दिल्ली येथील शेतकरी आंदोलनाला  किसान मोर्चाचे समर्थन

वर्धा : दिल्ली सिमेवर सुरु असलेल्या शेतकरी आंदोलनाला समर्थन करुन आंदोलनात शहिद झालेल्या शेतकऱ्यांना प्रत्येकी १ कोटी रुपये मदत देण्यात यावी ही मागणी करण्यासाठी संयुक्त किसान मोर्चाने सेलू तालुका प्रशासनाला निवेदन दिले आहे. वर्धा जिल्हयातील २ लाख २७ हजार शेतकऱ्यांनी प्रधानमंत्री पिक विम्याची नोंद केलेली आहे.  खरिप व रब्बी पिकाचे नुकसान झाले असतांना आज पर्यत नुकसान भरपाई मिळालेली नाही.

सोयाबीन पिकाचे बुरशीजन्य येलो मोझेक रोगाने मोठ्या प्रमाणात नुकसान होऊनही सरकार  मोबदला न देता ऊद्योगपतींचे कर्ज माफ करीत असल्याचा रोष शेतकऱ्यांनी व्यक्त केला.

२०२३-२४ मध्ये केंद्र व राज्य सरकारने १० टक्के प्रिमियम म्हणजे जवळपास जिल्ह्यातील ३७५ कोटी रुपये  विमा कंपनिच्या घशात टाकले. आता पर्यत  शेतकऱ्यांना फक्त ३६ ते ३८ कोटी रुपये विमा कंपनीच्या माध्यमातून प्राप्त होणे अपेक्षित होते.  शेतकऱ्यांना  मिळालेली तुटकी मदत वगळली तर  विम्याचा लाभ न देता विमा कंपनिला ३३० ते ३३५ कोटी रुपयांचा फायदा सरकारने का करुन दिला? या प्रश्नाची विचारनाही सरकारला निवेदनातून करण्यात आली आहे.

राज्य व केंद्र सरकार द्वारा विमा कंपनिच्या घशात जाणारी प्रिमियमची रक्कम दरवर्षी शेतकरी सानुग्रह राशी फंड म्हणुन जिल्ह्याला द्यावा व जिल्हाधीकार्यांच्या आध्यमाने समिती  निर्माण करून जिल्ह्यातील पिक नुकसान झालेल्या शेतकर्यांना देण्यात यावी याबबत सरकारने सकारात्मक निर्णय घ्यावा असे सुचवण्यात आले.

जिल्ह्यातील शेतीला दिवसा सिंचणासाठी किमान १२ तास विद्युत पुरवठा करण्यात यावा, वन्यजीवांपासुन शेत पिक सुरक्षित ठेवण्यासाठी शेतीला सामुहिक कुंपन करण्यात यावे. वर्धा जिल्ह्यातील धरणे प्रकल्पामध्ये २.५ लाख हेक्टेयर शेती ओलीत करण्याची क्षमता असतांना चुकीचे व्यवस्थान,अपुर्या सुविधा असल्याने फक्त ५० हजार हेक्टेयर ओलीत होत आहे.‌ म्हणजेच एकुण क्षमतेच्या केवळ १० टक्केच. शेतजमीन ओलिताखाली आवश्यक आर्थिक नियोजन व व्यवस्थापन करावे.

कृषी उत्पन्न बाजार समीतीद्वारे खरेदी होत असलेल्या कापसाची रक्कम शेतकर्यांना कोणतीही कपात न करता शासकीय नियमानुसार देण्यात यावी.महाराष्ट्र सरकारने धरणातील तसेच नदीवरील सिंचन पाणी ऊपस्याचे वाढविलेल्या दरांना पुर्ववत करण्यात यावे , अशा मागण्या प्रधानमंत्री व मुख्यमंत्र्यांना दिलेल्या निवेदनातुन करण्यात आल्या.

यावेळी संयुक्त किसान मोर्चाच्या माध्यमाने निवेदन देतांना  किसान अधिकार अभियानचे मुख्य प्रेरक अविनाश काकडे, जिल्हाध्यक्ष सुदाम पवार, चंद्रकांत ढगे, विठ्ठल झाडे, प्रफुल कुकडे, विठ्ठल कवरती, गुरूदेव वैरागडे, श्रीकांत भांडवलकर, सचिन ढगे, सुरेश लटारे, प्रफुल बैस, विशाल खोबे,राजेश वानखेड़े, निवृत्ति तडस* व परिसरातील शेतकरी उपस्थीत होते.